سؤال لأطباء المطاريد عن تطعيم الحصبه

[Farida]

الصحف المصرية والعربية

فيه حملة دلوقتى للتطعيم ضد الحصبه تحت رعاية ماما سوزان الصراحه اى حاجه بتيجى من الحكومه دى بتقلقنى ......و القلق عندى له اسبابه :
1- ما احنا طول عمرنا عمرنا ما اتطعمنا ذد الحصبه او mmr على كبر
2- ليه من 10 الى 20 سنه بالتحديد هم عايزين يعملوا فينا ايه بالضبط
3- ان كل المدارس مره واحده وفى خلال اسبوع لازم تطعم الولاد حايلاقوا فين التطعيم ده و الأمصال متوفره ولا لأ
يا ترى حد قلقان يي و ياترى حد يقدر يطمنا

 

[هيثم نافع]

متهيالي من 10 -20 دي بتاعة الحقنة اللي في الكتف اللي علامتها لا تزول حتى مع برسيل كلر

 

 

[Karim]

اقتباس المشاركة الأصلية كتبت بواسطة هيثم نافع متهيالي من 10 -20 دي بتاعة الحقنة اللي في الكتف اللي علامتها لا تزول حتى مع برسيل كلر

لا يا هيثوم دي بتبقي في المدارس بس . لانها نزلت الجامعات كمان والحقنة اللي علامتها مبتزولش دي بتبقي مدارس وبس مش جامعات كمان . لكن انا سئلت نفسي نفس السؤال اشمعنة دلوقتي يعني مش فاهم بردة

 

 

[hoppa]

دكتورة فريدة
انا جتنى الحصبة و انا عندى 16 او 17 سنة و كان وباء منتشر ساعتها و كتير من زميلاتى فى المدرسة اصابهم المرض
و هى على فكرة اللى تسببت فى ضعف سمعى
التطعيم مهم جدا
اما ليه على كبر يمكن لان لما الواحد بيكبر المناعة اللى عملها التطعيم بتقل

المهم محدش يستهون بالموضوع
انا كنت على وشك الموت بسببهامازلت لغاية الان اتذكر صراخ امى و بكائها اثناء مرضى

 

 

[د:تيسير]

هذا التطعيم هو تطعيم ثلاثى : ضد الحصبة الألمانية والحصبة العادية والغدة النكفية .
والهدف من هذه الحملة هو وقاية الشباب وخصوصا البنات حيث أن الإصاية بالحصبة الألمانى فى هذه المرحلة العمرية تؤدى إلى حدوث تشوهات بالجنين أثناء الحمل بعد الزواج حيث أن الفيروس يظل كامنا داخل الجسم وينشط أثناء الحمل .
كما أن الإصابة بالغدة النكافية أيضا فى هذه المرحلة العمرية يؤدى إلى العقم بسبب ضمور الخصيتين أو المبيضين .
أما التطعيم فى الكتف والذى يترك أثرا طول العمر فهو التطعيم ضد مرض الدرن (بى . سى . جى )